Даем старт бяспечнаму Новаму году!

Пераднавагодняя атмасфера ўжо ахутала ўсё навокал: плошчы, вуліцы, дамы. Свята ўпэўнена набліжаецца, прыносячы кожнаму з нас адчуванне радасці і цуду. І цяжка знайсці таго, хто б не рыхтаваўся весяла і радасна сустрэць Новы год. Традыцыйна, ратавальнікі дапамогуць падрыхтавацца да любімага свята так, каб яно прайшло яшчэ і бяспечна.

16 снежня стартуе рэспубліканская інфармацыйна-прапагандысцкая кампанія (акцыі) « Бяспечны Новы год! », якая працягнецца да 30 снежня. Гэтымі днямі пазнавальна-забаўляльныя тэматычныя мерапрыемствы пройдуць у школах і гандлёвых цэнтрах, на рынках і ёлачных кірмашах, на лядовых катках і адкрытых пляцоўках, а таксама ў месцах продажу піратэхнічных вырабаў ва ўсіх раёнах Мінскай вобласці. У гэты перыяд ратавальнікі зробяць усё магчымае, каб папярэдзіць няшчасці, здольныя азмрочыць святочны настрой.

Як бяспечна ўпрыгожыць ёлку, як правільна выкарыстоўваць піратэхнічныя вырабы і дзе іх неабходна набываць, як зрабіць бяскрыўднымі зімовыя забавы, як дзейнічаць у экстрэмальных умовах надвор'я, чым небяспечныя іскрыстыя ледзяшы, што неабходна зрабіць, каб трэск каміна не ператварыўся ў гул пажару? Сачыце за публікацыямі ў друку, чытайце сайт 112.by, прыходзьце на мерапрыемствы, якія праводзяцца МНС - і вы будзеце ў курсе, дзе знайсці адказы на ўсе гэтыя пытанні, куды прыйсці, каб ратавальнікі дапамаглі вам правесці гэтыя казачныя месяцы, поўныя сямейных урачыстасцяў, шумных. забаў і цёплых эмоцый, у бяспецы.