ЗАЦВЕРДЖАНА
Загад Міністра адукацыі Рэспублікі Беларусь
10.06.2022 N 401
(у рэдакцыі загада Міністра адукацыі
Рэспублікі Беларусь ад 22.11.2024 N 505)
Правілы бацькоў
Бацькі навучэнцаў з'яўляюцца ўдзельнікамі адукацыйнага працэсу. Абавязаны фарміраваць у дзяцей грамадзянскасць, патрыятызм, выхоўваць іх на аснове культурных і духоўных традыцый беларускага народа, паважаць гонар і годнасць настаўнікаў і іншых удзельнікаў адукацыйнага працэсу.
Узаемадзейнічаючы з удзельнікамі адукацыйнага працэсу, бацькі навучэнцаў павінны кіравацца наступнымі правіламі:
1. Забяспечваць умовы для выхавання, атрымання адукацыі і развіцця сваіх дзяцей.
2. Добрасумленна і якасна выконваць абавязкі бацькоў,
з'яўляцца для дзяцей узорам.
3. Ствараць умовы, неабходныя для вучобы, сацыялізацыі, умацавання здароўя, самаразвіцця і самарэалізацыі асобы дзіцяці, абараняць яго правы і законныя інтарэсы.
4. Забяспечваць выкананне дзецьмі патрабаванняў настаўнікаў, правіл унутранага распарадку ўстановы адукацыі, правіл для вучняў.
5. Пазбягаць канфліктаў ва ўзаемаадносінах з настаўнікамі, іншымі бацькамі, праяўляць добразычлівасць, ветлівасць і тактоўнасць.
6. Падтрымліваць з удзельнікамі адукацыйнага працэсу канструктыўныя і даверныя адносіны, узаемадзейнічаць з настаўнікамі па пытаннях выхавання і навучання дзяцей.
7. Садзейнічаць стварэнню пазітыўных узаемаадносін у калектыве навучэнцаў і бацькоўскай супольнасці.
8. Выконваць этычныя прынцыпы і правілы паводзін, у тым ліку ў інтэрнет-прасторы, паважліва ставіцца да нацыянальных і рэлігійных пачуццяў удзельнікаў адукацыйнага працэсу.
9. Вонкавым выглядам, паводзіны культурай зносін быць станоўчым прыкладам для свайго дзіцяці, іншых навучэнцаў.
10. Імкнуцца да павышэння ўласнай псіхолага-педагагічнай кампетэнтнасці.
