ЗАЦВЕРДЖАНА
Загад Міністра адукацыі Рэспублікі Беларусь
10.06.2022 N 401
(у рэдакцыі загада Міністра адукацыі
Рэспублікі Беларусь ад 22.11.2024 N 505)
Правілы навучэнцаў
Навучэнец з'яўляецца актыўным удзельнікам адукацыйнага працэсу. Абавязаны паважаць гонар і годнасць настаўнікаў, навучэнцаў і іншых удзельнікаў адукацыйнага працэсу, добрасумленна ставіцца да вучобы, грамадскіх даручэнняў, патрабаванням настаўнікаў і бацькоў. У працэсе самаразвіцця і самавыхавання фарміруецца як грамадзянін, патрыёт, працаўнік. Па завяршэнні навучання - гатовы заняць дастойнае месца ў грамадстве.
У адукацыйным працэсе навучэнцы павінны кіравацца наступнымі правіламі:
- Быць патрыётамі сваёй краіны, малой радзімы, сваёй установы адукацыі.
- Выяўляць ветлівасць і добразычлівасць у зносінах з настаўнікамі, іншымі ўдзельнікамі адукацыйнага працэсу, быць сумленнымі і шчырымі.
- Актыўна ўдзельнічаць у грамадскім жыцці ўстановы адукацыі.
- Добрасумленна вучыцца, імкнуцца да якаснага авалодання ведамі, уменнямі, навыкамі, самавыхаванню, развіццю сваіх здольнасцей.
- Выконваць правілы паводзін навучэнцаў, абавязкі навучэнцаў і правілы ўнутранага распарадку ўстановы адукацыі.
- Паважліва ставіцца да членаў сваёй сям'і, настаўнікаў, навучэнцаў і іншых удзельнікаў адукацыйнага працэсу.
- Выконваць патрабаванні настаўнікаў і бацькоў па выкарыстанні ўстройстваў сувязі і відэазапісу, інтэрнэт-сувязі, выконваць правілы паводзін у інтэрнэт-прасторы.
- Выконваць дзелавы стыль адзення, мець ахайны знешні выгляд, падтрымліваць парадак на сваім працоўным месцы.
- Паважліва адносіцца да нацыянальных і рэлігійных пачуццяў усіх удзельнікаў адукацыйнага працэсу.
- Беражліва адносіцца да маёмасці ўстановы адукацыі, падтрымліваць чысціню і парадак ва ўстанове адукацыі і на яе тэрыторыі.
