Адкрыла сённяшні лагерны дзень ранішняя зарадка, якая дала ўсім зарад бадзёрасці і станоўчых эмоцый.

Усе мы жадаем быць здаровымі і ў добрым настроі, жадаем атрымліваць задавальненне і карысць ад жыцця. У гэтым нам дапамагае ранішняя зарадка, а нагадаць дзецям аб яе важнасці дапамагла хвілінка здароўя "Раніца пачынаецца з зарадкі".

Пасля спартыўнай гадзіны “Хутчэй, вышэй, мацней!” дзяўчаты і хлопцы адправіліся на школьны агарод. Пад кіраўніцтвам выхавацеляў лагера яны прапалолі градкі. Вынік сваёй працы яны змогуць убачыць ужо зусім хутка!

Падчас любімай усімі дзецьмі бібліятэчнай гадзіны рабяты правяралі свае веды ў літаратурным турніру па казках А.С.Пушкіна “Што за хараство гэтыя казкі”.

Пад такім дэвізам прайшоў чарговы дзень у лагеры "Сонейка".
Раніцай пасля зарадкі рабят чакала лінейка "Азбука берагошы". Выхаванцы чыталі любімыя вершы пра Беларусь і абмяркоўвалі значэнне Радзімы ў жыцці кожнага чалавека.
Усе мы жадаем быць здаровымі і ў добрым настроі, жадаем атрымліваць ад ежы задавальненне і карысць. Але вельмі часта смачныя прадукты і стравы зусім не карысныя. Разабрацца ва ўсіх тонкасцях і навучыцца харчавацца смачна і карысна хлопцам і дзяўчатам дапамагла хвілінка здароўя "Што карысна, а што шкодна?".
Час знаходжання ў лагеры - шчаслівая магчымасць папоўніць дэфіцыт руху, правесці хаця б некаторы час актыўна і з карысцю для здароўя, даць дзіцяці зарад энергіі, далучыць яго да фізічна актыўнага вольнага часу. Таму спартыўная праграма "Энергія сонца" прыйшлася як нельга дарэчы)
Сёння ў сценах нашай бібліятэкі прайшла літаратурная гадзіна "Сябры, бярыцеся за рукі!". Дзеці з цікавасцю слухалі бібліятэкараў і з энтузіязмам адказвалі на ўсе пытанні.
Хвілінка бяспекі "Гутарка аб укусах насякомых" нагадала рабятам аб тым, што лес - не месца для гульняў. Яны паўтарылі правілы бяспечнага знаходжання ў лесе і адказалі на пытанні.