З 17 кастрычніка па 2 лістапада 2022 года ў Рэспубліцы Беларусь пройдзе пажарна-прафілактычная акцыя па папярэджанні пажараў і гібелі людзей ад іх у жыллёвым фондзе ў асенне-зімовы перыяд «За бяспеку разам!».

Акцэнт пры рэалізацыі прафілактычнага мерапрыемства робіцца на абследаванні супрацьпажарнага стану домаўладанняў адзінокіх і адзінока пражываючых пажылых грамадзян, інвалідаў, сем'яў, у якіх дзеці знаходзяцца ў сацыяльна небяспечным становішчы, правядзенне з грамадзянамі інструктыўна-растлумачальнай працы па захаванню правіл пажарнай бяспекі, інфармаванне насельніцтва аб магчымасцях дзяржаўных арганізацый па аказанні паслуг па забеспячэнні іх бяспекі.

РАТАВАЛЬНІКІ ЗАКЛІКАЮЦЬ:

Праверце на працаздольнасць аўтаномныя пажарныя апавяшчальнікі. У выпадку іх адсутнасці усталюйце прыборы ў жылых памяшканнях домаўладанні (кватэры). У перыяд ацяпляльнага сезона кантралюйце спраўнасць ацяпляльнага абсталявання ў сваіх домаўладаннях, электрычнай праводкі.
Не забывайце пра родных і блізкіх, якія жывуць у вёсках. Наведайце састарэлых бацькоў. Праверце, як яны падрыхтаваліся да ацяпляльнага сезона.
Памятайце, што ў адпаведнасці з заканадаўствам Рэспублікі Беларусь адказнасць за выкананне патрабаванняў пажарнай бяспекі ў жылых дамах, якія належаць грамадзянам на праве прыватнай уласнасці, ускладзена на іх уласнікаў.
Падчас акцыі кожны грамадзянін можа звярнуцца ў тэрытарыяльны орган па надзвычайных сітуацыях для правядзення абследавання супрацьпажарнага стану жылля.

па матэрыялах сайта Міністэрства па надзвычайных сітуацыях
Рэспубліка Беларусь

«За моладдзю – будучыня» – з гэтым нельга не пагадзіцца, бо менавіта маладыя людзі заўсёды былі рухавікамі прагрэсу. Важная роля ў гэтым працэсе аддадзена дзяржаве, таму што калі з малых гадоў яму атрымаецца прывіць маладым пачуццё патрыятызму і любоў да сваёй Радзімы, то яны, у сваю чаргу, укладуць душу ў яе развіццё і дабрабыт.

МНС вялікая ўвага надаецца працы з дзецьмі і моладдзю, што прыводзіць да іх збліжэння з працай выратавальнікаў і робіць іх «правай рукой» прапагандыстаў МНС падчас правядзення розных мерапрыемстваў па фармаванні культуры бяспекі жыццядзейнасці. Адно з іх – рэспубліканская акцыя «Моладзь за бяспеку». З 3 па 14 кастрычніка на маладое пакаленне будзе ўскладзена важная місія: павялічыць узровень ведаў грамадства ў вобласці бяспекі жыццядзейнасці і аказаць пасільную дапамогу ўсім, хто гэтага патрабуе – у першую чаргу, пажылым людзям. 

Першы этап пад адзінай назвай «112 добрых спраў» падоўжыцца з 3 па 7 кастрычніка. За гэты час моладзевы дэсант разам з выратавальнікамі наведае домаўласніцтвы пенсіянераў, якія пражываюць самотна, інвалідаў і ветэранаў Вялікай Айчыннай вайны і акажа ім пасільную дапамогу: нарыхтуюць дровы, прыбяруць жылыя памяшканні і прыдамавыя тэрыторыі, усталююць аўтаномныя пажарныя апавяшчальнікі і шмат іншага. Не застануцца ўбаку і тэрытарыяльныя падраздзяленні «Чырвонага крыжа», БДПО, а таксама студэнты, якія дапамогуць у гэтай добрай справе.

Адчуць сябе зоркамі тэлеэкрана прапануюць і пенсіянерам, якія змогуць прыняць удзел у здымках ролікаў на тэму «Бабуліны рэцэпты бяспекі». Думаеце, сэнс відэа толькі ў гатаванні? Зусім не! Задумка ў наступным: рыхтуючы па абраным рэцэпце беларускай кухні, юныя выратавальнікі разам з пажылымі людзьмі паралельна будуць распавядаць і пра тое, якія ўмовы павінны быць створаны для «бяспечнай» падрыхтоўкі абранай стравы. Напрыклад, жадаеце прыгатаваць бабку са скваркамі – успамінайце «рэцэпт» бяспечнай печы: вычышчаны ад сажы і пабелены комін, наяўнасць прадтопачнага ліста, адсутнасць расколін і г.д. Так пенсіянеры змогуць не толькі незвычайна правесці час у «бляску сафітаў», але і ў чарговы раз успомніць, у якіх умовах трэба ўтрымоўваць жыллё, каб не здарылася бяда.

Падчас другога этапу, які пройдзе з 10 па 14 кастрычніка, вектар зрушыцца ў бок юных выратавальнікаў-пажарнікаў. Для іх пройдзе «Восеньскі баль юных выратавальнікаў», дзе пройдзе не толькі ўручэнне першых членскіх білетаў і прысвячэнне ў шэрагі БМГАВП, але і ўзнагароджанне лепшых актывістаў моладзевай арганізацыі.

Не застанецца без увагі і насельніцтва, для якога пройдуць шырокамаштабныя мерапрыемствы ў адукацыйных установах і ў месцах масавага знаходжання людзей. МНС, заручыўшыся падтрымкай юных выратавальнікаў-пажарнікаў, працаўнікоў устаноў культуры, кіроўных і дыджэяў мясцовых радыёстанцый будуць дарыць людзям творчыя нумары мастацкай самадзейнасці, гульні КВЗ, правядуць конкурсы, віктарыны, латарэі, прадэманструюць відэастужкі на супрацьпажарную тэматыку, распаўсюдзяць рэеламную прадукцыю і, што самае характэрнае, уручаць членскія білеты і правядуць прысвячэнне юных выратавальнікаў у шэрагі БМГАВП.

Акрамя таго, пройдзе ўжо традыцыйны для МНС фармат актыўнасці – велапрабег. Ён будзе прысвечаны Дню нараджэння арганізацыі, у адпаведнасці з чым будзе насіць назву «З днём нараджэння, БМГАВП!» (заўв. 14 кастрычніка БМГАВП выконваецца 21 год). У ім прымуць удзел юныя выратавальнікі, якія падчас вандравання на «двухколавых сябрах» зробяць прыпынкі ў памятных месцах, хатах-інтэрнатах і г.д.

Злёты юных выратавальнікаў – важная падзея ў жыцці руху. Таму дзяцей запросяць на тэматычныя вечары-сустрэчы з удзельнікамі злёту розных гадоў «Ветэраны злёту МНС» і ток-шоў «МНС – мой лёс», дзе працаўнікі МНС, актыўна прымалыя ўдзел у дзейнасці БМГАВП, абмяняюцца досведам і ўспамінамі з маладым пакаленнем юных выратавальнікаў і тымі, хто ўжо звязаў жыццё са службай у МНС.

Не абыйдзецца і без упадабаных усімі флэшмобаў, відэавіншаванняў да Дня нараджэння БМГАВП , музычных кліпаў ад юных выратавальнікаў на тэму «Юныя выратавальнікі і МНС – вялікая дружная сям'я» і фотавыстаў «Злёт у тварах» з яркімі, памятнымі момантамі з жыцця актывістаў БМГАВП.

На працягу ўсіх этапаў акцыі прапагандысты МНС будуць супрацоўнічаць са сродкамі масавай інфармацыі. Так, у перыяд правядзення акцыі ў разноформатных СМІ выйдзе цыкл матэрыялаў на тэмы «БМГАВП і МНС – мой лёс» і «Злёт ЮВП – яркая старонка ў маёй біяграфіі», будуць актыўна анансавацца ўсе запланаваныя мерапрыемствы, а радыёэфір папоўніцца тэматычнай аудыаінфармацыяй і радыёвіктарынамі.