Сустрэча з памочнікам пракурора Дзяржынскага раёна

17 мая адбылася сустрэча навучэнцаў і педагогаў Скірмантаўскай сярэдняй школы з памочнікам пракурора Дзяржынскага раёна Дар'яй Міхайлаўнай Хрушчовай.
Мэта сустрэчы - праінфармаваць аб ходзе расследавання крымінальнай справы аб генацыдзе беларускага народа, фарміраваць патрыятызм у падрастаючага пакалення.
У рамках сустрэчы памочнік пракурора распавяла навучэнцам пра расследаванне крымінальнай справы аб генацыдзе, прывяла прыклады знішчаных нацыстамі населеных пунктаў разам з жыхарамі.
Крымінальная справа па факце генацыду насельніцтва Беларусі падчас Вялікай Айчыннай вайны была ўзбуджана Генеральнай пракуратурай Рэспублікі Беларусь у красавіку 2021 года. У ходзе расследавання ўстаноўлены канкрэтныя асобы з ліку нямецкіх захопнікаў і іх памагатых, якім удалося пазбегнуць адказнасці за забойствы мірных жыхароў, здзекі і катаванні ў канцлагерах і гета, масавы згон грамадзянскага насельніцтва ў нямецкае рабства.
Расследаванне крымінальнай справы працягваецца. Следчая група Генеральнай пракуратуры ў цяперашні час працуе з архіўнымі дакументамі і крымінальнымі справамі мінулых гадоў у дачыненні да нацысцкіх злачынцаў і іх памагатых.