Вечар сустрэчы школьных сяброў

Як і шмат гадоў таму, выпускнікі пераступілі парог роднай установы, каб сустрэцца са сваімі школьнымі сябрамі, настаўнікамі, каб на кароткі час сустрэчы вярнуцца ў незабыўныя школьныя гады.

Юбілей святкавалі выпускі 1979, 1984, 1989, 1994, 1999, 2004, 2009, 2014 гадоў.

Дырэктар школы Залатар Жанна Барысаўна расказала аб дасягненнях нашых навучэнцаў за апошнія гады і ад душы павіншавала выпускнікоў з гэтым цудоўным святам.

Вечар прайшоў у цёплай і ўтульнай сяброўскай атмасферы. Быў напоўнены ўспамінамі, музычнымі нумарамі, віншаваннямі выпускнікоў. Вечар сустрэчы - не проста традыцыя, гэта магчымасць сустрэцца з дзяцінствам, юнацтвам. Усе прысутныя на свяце яшчэ раз змаглі пераканацца, што для іх заўсёды адчыненыя дзверы школы!