Адзіны ўрок "Ала – сястра Хатыні"

З мэтай паглыблення ведаў вучняў аб гістарычным мінулым беларускага народа, фарміравання ўяўленняў аб генацыдзе беларускага народа ў гады Вялікай Айчыннай вайны з дапамогай знаёмства з трагічнымі падзеямі ў в. Ала 12 студзеня ва ўстанове адукацыі прайшоў адзіны ўрок "Ала – сястра Хатыні".

14 студзеня спаўняецца 80 гадоў, як невялікая вёска Ала ў Светлагорскім раёне загінула ў агні разам з 1760-ю мірнымі жыхарамі. Гэта падзея назаўжды ўпісана ў гісторыю нашага краю і ўсёй Беларусі як акт генацыду ў адносінах да беларускага народа. Гора, прасякнутае зямлю ў маляўнічых месцах за Бярэзінай, было настолькі велізарным, што нават у пасляваенныя гады вёска так і не змагла адрадзіцца, яна спыніла існаваць як населены пункт. І ўсё ж імя Алы не знікла з народнай памяці. Дзякуючы даследчыку, пісьменніку і Ганароваму грамадзяніну Светлагорска Ізяславу Катлярову, дзякуючы падтрымцы Прэзідэнта Беларусі і ўрада, дзякуючы намаганням насельніцтва Светлагорскага раёна і ўсёй Беларусі на месцы згарэлай вёскі паўстаў велічны мемарыял, які стаў данінай павагі людзям, якія пацярпелі і аддалі жыцці ў ліхія гады Вялікай Айчыннай вайны.