Асцярожна! Галалёд!

Галалёд і галалёдзіца з'яўляюцца прычынамі надзвычайных сітуацый. Пры галалёдзіцы значна павялічваецца колькасць вулічных траўмаў: удары, вывіхі і пераломы. Галалёдныя траўмы ўжо атрымалі сотні чалавек, у тым ліку дзеці.

Каб не трапіць у лік пацярпелых, да неспрыяльных умоў можна падрыхтавацца - паўтарыць простыя правілы і вывучыць іх з дзецьмі:

• Звярніце ўвагу на свой абутак: падбярыце не слізгальны абутак з падэшвай на мікрапорыстай аснове. Ад высокіх абцасаў лепш адмовіцца. Пажылым людзям рэкамендуецца выкарыстоўваць кій з гумовым наканечнікам ці адмысловую палку з завостранымі шыпамі.
• Глядзіце сабе пад ногі, старайцеся абыходзіць небяспечныя месцы. Калі ледзяную «лужыну» абыйсці немагчыма, то перасоўвайцеся па ёй, як лыжнік, невялікімі слізгальнымі крокамі.

• Старайцеся абыходзіць усе месцы з нахільнай паверхняй.

• Наступаць варта на ўсю падэшву, ногі злёгку паслабіць ў каленях.

• Рукі па магчымасці павінны быць вольныя, старайцеся не насіць цяжкія сумкі, не трымайце рукі ў кішэнях - гэта павялічвае верагоднасць падзення.

• Калі Вы паслізнуліся, прысядзьце, каб знізіць вышыню падзення.

• У момант падзення паспрабуйце згрупавацца, і, перакаціўшыся, змякчыць удар аб зямлю.

• Не спрабуйце выратаваць рэчы, якія несяце ў руках.

• Не спяшайцеся падняцца, агледзіце сябе, ці няма траўмаў, папрасіце прахожых людзей дапамагчы табе.

  Памятаеце: асабліва небяспечныя падзенні на спіну, дагары тварам, так як можна атрымаць страсенне мозгу. Пры атрыманні траўмы абавязкова звярніцеся да лекара за аказаннем медыцынскай дапамогі.

  Будзьце вельмі ўважлівымі пры пераходзе дарогі: не спяшайцеся, і тым больш не бяжыце. Абавязкова пераканайцеся, што аўтамабіль спыніўся, каб вас прапусціць.

  Яшчэ адну небяспеку прынёс з сабой перапад тэмператур - ледзяшы. Здавалася б, што можа быць небяспечнага ў такой далікатнай на выгляд прыгажуні? Аднак гэтая далікатнасць вельмі зманлівая! На жаль, пра гэта не ведаюць дзеці і забываюць дарослыя.

  Што ж рабіць, каб не апынуцца ў бальніцы?

  Пры руху па вуліцах трымайцеся далей ад дамоў!

  Звяртайце ўвагу на брылі будынкаў. Часцей за ўсё ледзяшы ўтворацца над вадасцёкамі, таму гэтыя месцы фасадаў дамоў бываюць асабліва небяспечныя, іх неабходна абыходзіць бокам, пажадана на адлегласці не менш за 3 метраў.

  Не ігнаруйце аб'явы «Асцярожна! Ледзяшы».

  Ўважлівей сачыце за дзецьмі падчас прагулкі. Яны могуць незнарок гуляць менавіта там, дзе звісаюць ледзяшы.

  Не варта збіваць ледзяшы самім.

  Калі падчас руху па тратуары, вы пачулі наверсе падазроны шум - ня спыняйцеся, не падымайце галаву і не разглядайце, што там здарылася. Магчыма, гэта сход снегу або ледзяной груды. Бегчы ад будынка таксама нельга. Трэба як мага хутчэй прыціснуцца да сцяны, брыль даху паслужыць хованкай.

  Выконвайце правілы! Беражыце сябе і сваіх блізкіх!