Віншавальны марафон працягваецца

Слова "мама" у кожнага асацыюецца з самымі цёплымі, светлымі і шчырымі пачуццямі, бо менавіта мамы вучаць нас галоўнаму ў жыцці: любові, павазе.

Мам пачалі віншаваць з самага пачатку тыдня: падарункі, паштоўкі, кветкі, віншаванні — усё для іх.

Мама, мамачка, мілая любая мая… Гэтыя словы прыемна пачуць кожнай жанчыне. Для кожнай мамы самае дарагое - гэта велізарная, чыстая, бескарыслівая любоў дзіцячых сэрцайкаў, цёплых родных абдымкаў.

Сёння нашы навучэнцы, а таксама выхаванцы дзіцячага сада, парадавалі матуль вершамі і музыкальнымі віншаваннямі са сцэны Скірмантаўскага ДК.

Вялікі дзякуй Вам, паважаныя матулі і бабулі, за Вашы добрыя сэрцы, за жаданне пабыць побач з дзяцьмі, падарыць ім душэўную цеплыню!