25 верасня Адзіны дзень бяспекі дарожнага руху

25 верасня 2020 гады ў нашай краіне пад дэвізам "Час стаць прыкметным!" прайшоў Адзіны дзень бяспекі дарожнага руху. Арганізатарам прафілактычнага мерапрыемства выступіў УГАІ МУС Рэспублікі Беларусь.
Адзіны дзень бяспекі дарожнага руху накіраваны на прафілактыку ДТЗ з удзелам пешаходаў і веласіпедыстаў у цёмны час сутак, а таксама прапаганду выкарыстання светаадлюстравальных элементаў і камізэлек павышанай бачнасці.
Праблема пешаходнага і велатраўматызма асоба абвастраецца з наступам восені. Значнае памяншэнне светлавога дня, ранняе змярканне, дажджы і туманы не лепшым чынам адбіваюцца на дарожным становішчы. Шматгадовая статыстыка даказвае, што менавіта ў гэты перыяд на дарогах павялічваецца колькасць наездаў на ўразлівых удзельнікаў руху. Як правіла, большасць з іх адбываецца ў вячэрні і начны час.
Ідучы ў цемры па праезнай частцы пешаход або веласіпедыст пры блізкім святле фар бачны толькі на адлегласці 25-30 м. Гэты адрэзак шляху пры хуткасці руху 90 км/г аўтамабіль праходзіць прыблізна за адну секунду - занадта мала для прыняцця якіх-небудзь мер. Нават пры хуткасці 50 км/г рэзка спыніць аўтамабіль немагчыма.
Святлавяртальнікі (флікеры) дазваляюць самым неабароненым удзельнікам руху "свяціцца" ў блізкім святле фар на адлегласці 130-140 м, а пры руху з далёкім святлом адлегласць павялічваецца да 400 м. Гэта дае кіроўцу дадатковы час на прыняцце найболей правільнага рашэння для пазбягання наезду.
Каб гарантаваць уласную бяспеку, кожны пешаход у цёмны час сутак павінен быць пазначаны светаадлюстравальнымі элементамі (флікерамі), якія варта прымацоўваць так, каб іх было відаць з усіх бакоў. светаадлюстравальную павязку можна нацягнуць на рукаў ці замацаваць на штанах, а падвеску прышпіліць шпількай да адзежы на вышыні калена з боку праезнай часткі. Лепш за ўсё выкарыстоўваць адразу два ці больш флікераў - адначасова і з правага, і з левага боку. А каб дамагчыся максімальнага эфекту, можна надзець камізэльку павышанай бачнасці з устаўкамі са светаадлюстравальнага матэрыялу. Так пешаход будзе выдатна бачны здалёку і днём, і ўначы.
Пры руху па дарозе ў цёмны час сутак ці пры яе недастатковай бачнасці на веласипедзе спераду павінен быць уключаны ліхтар, яки выпраменьвае белае святло, ззаду - ліхтар, што выпраменьвае чырвонае святло. Акрамя таго, веласіпедыстам таксама рэкамендуецца апранаць камізэлькі павышанай бачнасці. У сваю чаргу кіроўцы павінны выяўляць павышаную ўвагу пры праездзе пешаходных пераходаў і руху па трасах зблізку населеных пунктаў.
Даведкава: Са студзеня па жнівень 2020 года на дарогах рэспублікі адбылося 695 ДТЗ з удзелам пешаходаў, 210 наездаў на веласіпедыстаў і 2 наезды на конны транспарт.