Мая Радзіма Дзяржыншчына

Мерапрыемствы шостага школьнага дня  4 сакавіка былі прысвечаны тэме: "Мая  Радзіма Дзяржыншчына".

На  пачатку дня дзеці атрымалі энергетычны зарад ў спартыўнай зале.Малодшыя школьнікі  з азартам гулялі ў міні футбол, а вучні старэйшых класаў  спаборнічалі каля баскетбольнага кольца, з мэтай выявіць самага меткага баскетбаліста.

Затым вучні1 і 2 класа адправіліся ў камп'ютарны клас на вясёлыя заняткі па легапраграміраванню. Для старэйшых школьнікаў быў прапанаваны  прагляд кінафільма "Дзяржынскі раён". Вучні  пашырылі свой кругагляд аб культурных мясцінах Дзяржынскага  раена, пазнаёміліся з  асноўнымі прадпрыемствамі Дзяржыншчыны. Пасля прагляду кінафільма  школьнікі змаглі набыць цікавы вопыт па складанню красворда, адзначалі на карце мясціны, з якімі пазнаёміліся пры прагляданні кінафільма і з цікавасцю працавалі з картай Дзяржынскага раёна, фотаздымкамі, кнігай памяці.  На прыканцы кожны вучань  расказаў, што цікавага ён даведаўся. Хлопчыкі і дзяўчынкі дзяліліся сваімі ўспамінамі пра мясціны Дзяржыншчыны ў якіх яны ўжо пабывалі. З гордасцю прыпаміналі, што на тэрыторыі  аграгарадка  Скірмантава знаходзіцца вышэйшая кропка Беларусі - гара Дзяржынская.

Пасля старэйшыя школьнікі наведалі бібліятэку, дзе пазнаёміліся з творамі пісьменнікуў Дзяржыншчыны. Адначасова  вучні 2 і 8 класаў прынялі ўдзел у акцыі  "Дарослыя спыніціся", падчас якой уручалі бацькам і дарослым на вуліцы аграгарадка Скірмантава ўлеткі з малюнкамі і тэкстамі аб шкодзе алкаголю, цыгырэт і наркотыкаў.

Як звычайна, дзень закончыўся вясёлым чаяваннем.