"Для добрых спраў жыццё нам дадзена!

15 лютага мерапрыемствы шостага школьнага дня былі прысвечаны тэме: "Для добрых спраў жыццё нам дадзена!".

Малодшыя школьнікі сталі ўдзельнікамі "Марафона добрых спраў" да сусветнага дня спантаннай праявы дабрыні пад кіраўніцтвам настаўніцы Рубчэня Крысціны Іванаўны. Дню памяці воінаў-інтэрнацыяналістаў  быў прысвечаны занятак "Пакуль мы памятаем  - мы жывём!" для 8-9 і 11 класаў. А яшчэ вучні 8 і 9 класаў паўдзельнічалі ў псіхалагічнай гасцінай "Як стаць шчаслівым", якую для іх падрыхтавала псіхолаг Дашукевіч Анастасія Мікалаеўна. Вучні 5-7 класаў  спаборнічалі між сабою ў конкурсе "Свет вакол нас". 

Не забылі ў гэты дзень і пра спартыўныя мерапрыемствы: малодшыя вучні павышалі свой ўзровень фізічнай падрыхтаванасці ў спартыўнай зале, а старэйшыя на стадыёне рыхтаваліся да раённых спаборніцтваў "Снежны снайпер".

Такім чынам можна з упэўненасцю сказаць, што шосты дзень прайшоў не толькі весела, але і карысна!