Дзень добры любімая школа. Насустрач новым адкрыццям
03.09.2022
У суботу 3 верасня выхаваўчыя мерапрыемствы былі прысвечаны тэме
"Добры дзень любімая школа. Насустрач новым адкрыццям"
У школе былі праведзены мерапрыемствы па плану шостага дня.
Цікавым і змястоўным атрымалася мерапрыемства, прысвечанае пачатку навучальнага года "Вясёлыя старты" для вучнаў 1 -9 класаў, якое правёў настаўнік фізічнай культуры Ляўковіч Уладзімір Леанідавіч. Вучні ўдзельнічалі ў спаборніцтвах па чаўночнаму бегу, скачках ў даўжыню і падцягванню. Як паказалі спаборніцтвы, большасць нашых дзяцей мае досыць высокі ўзровень фізічнай падрыхтаванасці. У выніку спаборніцтваў пераможцамі сталі Міроненка Уладзімір і Колчава Эліна
Настаўніца пачатковых класаў Быкоўская Ніна Чаславаўна запрасіла вучняў у госці да Янкі Купалы і Якуба Коласа . На мерапрыемстве вучні пазнаёміліся з біяграфіяй пісьменнікаў, чыталі іх вершы. Разам з настаўніцай вучні наведалі бібліятэку сельскага дома культуры і правялі агульнае мерапрыемства.
Вучні старэйшых класаў адправіліся ў завочнае падарожжа ў горад Добруш - горад беларускага пісменства і друку 2022 года з настаўніцай беларускай мовы і літаратуры Ляўковіч Ларысай Мікалаеўнай. Дзеці з захапленнем удзельнічалі ў віктарынах, конкурсах.Вучням была прадстаўлена відэа прэзентацыя.
Усе ўдзельнікі суботніх мерапрыемстваў папоўнілі свае веды яшчэ аб адным горадзе дзе адбылося свята беларускага пісьменства і друку.