Дзень цікавых прафесій
05.12.20205 снежня 2020 г. у школе прайшла чарговая тэматычная прафарыентацыйная субота, у рамках якой навучэнцы пазнаёміліся з дзіўным светам прафесій.
Малодшыя школьнікі пагрузіліся ў свет прафесій і даведаліся шмат новага аб прафесіях , якія былі папулярныя у часы маладосці іх дзядуль і бабуль.
Вучні 5-7 класаў паспрабавалі сябе ў ролі лекара, ветэрынара, пажарнага, паліцэйскага, выратавальніка, выхавацеля, кіроўца на мерапрыемстве "Конкурс рэклам "Гэта прафесія самая лепшая".
Вучні 9 класа прынялі ўдзел у прафарыентацыйнай канферэнцыі "Шляхі атрымання прафесійнай адукацыі ў рэспубліцы Беларусь» у дыстанцыйным рэжыме.
Удзельнікамі мерапрыемства былі прадстаўнікі устаноў вышэйшай і сярэдняй спецыяльнай адукацыі. Яны распавялі аб навучальных установах, аб спецыяльнасцях, якія можна атрымаць і адказалі на пытанні навучэнцаў. Выступы суправаджаліся прэзентацыяй і відэаролікамі. Навучэнцы аднадушна выказаліся, што мерапрыемства дапамагло ўсвядоміць правільнасць выбару прафесіі, ацаніць свае магчымасці.
Дзень прайшоў займальна і з карысцю!